شات دقات قلبي
بنت ابوي
صيف كام
شات عسل
ابراهيم باشا ابن محمد علي باشا
عاشق القمر

عاشق القمر > منتديات عاشق القمر الثقافية > تاريخ وعظماء

تاريخ وعظماء تاريخ الأمم والأحداث التاريخية فى مختلف الأزمان والعصور وتجارب المبدعين والعظماء فى امتنا فى الماضى والحاضر حضارات قديمة معارك غزوات اسلامية شخصيات علمية ادبية مخترعات مخترعين

ابراهيم باشا ابن محمد علي باشا

ابراهيم باشا جنتكمان إبراهيم باشا ( كافالا (قوله)، مقدونيا اليونانيه 1789 - 10 نوفمبر 1848 ) قائد عسكرى فذ قاد الجيش المصرى فى حملات عسكريه ناجحه ضد الوهابيين

إضافة رد
 
أدوات الموضوع انواع عرض الموضوع
  #1  
قديم 2010-04-13, 11:17 AM
lovermoon lovermoon غير متواجد حالياً
 
تاريخ التسجيل: Sep 2006
الدولة: Egypt
المشاركات: 28,449
ابراهيم باشا ابن محمد علي باشا

ابراهيم باشا محمد باشا b.s.jpg

ابراهيم باشا

ابراهيم باشا محمد باشا IbrahimBaja.jpg

جنتكمان إبراهيم باشا ( كافالا (قوله)، مقدونيا اليونانيه 1789 - 10 نوفمبر 1848 ) قائد عسكرى فذ قاد الجيش المصرى فى حملات عسكريه ناجحه ضد الوهابيين و العثمانليه و حقق انتصارات كبيره و فتح مدن الحجاز و الشام و الاناضول و كان على وشك يفتح استانبول عاصمة الامبراطوريه العثمانيه. ابن محمد علي باشا حكم مصر بعده كوالى بفرمان من الباب العالى فى الاستانه.

شبابه
لما بقى عنده تمنتاشر سنه عينه ابوه فى الجيش المصرى و فضل يترقى لغاية ما بقا قائد فرقه و أظهر قدرات عسكريه متميزه ، و اتعين مدير مديريه و اظهر كفاءه اداريه. فى سنة 1813 ناب عن ابوه فى حكم مصر وقت أبوه ما كان فى السعودية بيحارب الحركة الوهابيه اللي كانت اسست وقتها الدوله السعوديه الاولى.


حربه للوهابيين و فتح الحجاز

ابراهيم باشا محمد باشا Portrait_d%27Ibrahim
ابراهيم باشا عسكرى فذ


بعد ما استقر محمد على باشا فى حكمه كان عايز يحقق امن اقليمى. الحجاز كان مصدر قلق لمصر و السبب كان ظهور محمد بن عبد الوهاب اللى اتحالف مع أمين الدرعيه محمد بن سعود لنصرة الأفكار الوهابيه. لما مات محمد بن عبد الوهاب سنة 1765 خلفه ابن عبد العزيز بن سعود اللى كان متحمس اكتر من ابوه لنشر الدعوه الوهابيه فبعت جيشه على كربلاء سنة 1801 و عمل مدابح هناك بحجة ان اهل كربلاء كفار و هدمو جامع الحسن ، و قدر واحد شيعى انه يقتل عبد العزيز بن سعود و هو بيصلى فى جامع الدرعيه فخلفه ابنه سعود اللى واصل هجماته لحدود مسقط و شواطىء الخليج و بعدين فتح الحجاز و دخل مكه ، و وصلت الدعوه الوهابيه لعسير و اليمن و اتعطلت مراسم الحج و اضطربت الدوله العثمانيه وشافت هيبيتها بتضيع لإنها مش قادره تأمن موسم الحج . فى الظروف دى لجأ السلطان العثمانلى لمحمد على باشا اللى كان وقتها مشغول بتوطيد حكمه لمصر فقعد السلطان العثمانلى يطلب مساعدته و ساعات قعد يهده بالعزل و اغراه العثمانليه بتحقيق حلمه بتحويل الحكم فى مصر لنظام وراثى فإهتم و بدأ يحضر لحمله و تأمين طرق الموصلات بين مصر و الحجاز ، و طلعت الحمله عن طريق البحر و نزل العسكر المصرى فى ينبع و وصل طوسون باشا ابن محمد على عن طريق البر و قامت معركه بين الجيش المصرى و الوهابيين اللى كانو متعودين على الكر و الفر فى الصحارى و بصعوبه قدر الجيش المصرى فى الاخر انه يفتح المدينه المنوره و يهزم الوهابيين اللى كانو فيها و من هناك طلع طوسون باشا على جده و استولى عليها هى كمان و منها طلع على الطائف و فتحها فى 29 يناير 1813 لكن بعد كده اتغلب طوسون باشا فى ترنه و انتشرت الامراض بين العسكر فأخد طوسون موقف دفاعى و بعت لمصر يطلب مساعده فطلع محمد على بنفسه على راس جيش و انضم لجيش طوسون و ارتفعت المعنويات و بدأ الموقف العسكرى يتحسن.


و الاحداث دى جاريه مات سعود الكبير قائد الوهابيين و خلفه ابنه عبد الله و بعت محمد على لنايبه فى مصر " لاظ أوغلى " يطلب منه ارسال قوات و سلاح و مال و قدر محمد على انه يحقق انتصار كبير و واصل عسكر مصر زحفهم و عرض عبد الله بن سعود على المصريين الصلح او الهدنه.

فى سنة 1818 بعت محمد على ابنه ابراهيم باشا على راس جيش على الحجاز و حقق ابراهيم نجاح كبير و اقتحم نجد و حاصر الرس و عنيزه و الخبر و الدرعيه و اضطر الوهابى عبد الله بن سعود انه يطلب الصلح و سلم نفسه للجيش المصرى فمسكوه و ودوه مصر فى 16 نوفمبر 1818 و اكرمه محمد على و بعدين شحنه على استانبول و هناك السلطان العثمانلى عامله وحش و أمر بإعدامه ، و عين محمد على والى على مكه و المدينه و عين ابراهيم باشا والى على جده فقرر ابراهيم باشا انه يدمر الدرعيه بالكامل عشان يمنع رجوع الوهابيين ليها و التحصن فيها. ابراهيم باشا أنشأ التكيه المصريه فى الحجاز.

عملياته في الموره
فى سنة 1824 السلطان العثماني محمود التاني عين محمد علي حاكم علي الموره (اليونان ) عشان يساعده ضد الثوار اليونانيين فى في حرب الاستقلال اليونانيه اللي كانت دايره وقتها. ابراهيم باشا قدر يحقق انتصارات كتيره بطريقه اذهلت الاوروبين و فى 1827 اتفقت روسيا و انجلترا و فرنسا على ان اليونان مش تابعه للسلطنه العثمانيه و قررو ضرب الاسطولين المصرى و التركى فقامت معركه بحريه اتعرفت بإسم معركة نفارين انتهت بهزيمة اساطيل مصر و تركيا.


حملاته فى الشام و الاناضول
محمد علي كان عايز يعمل دولة تضم كل العرب من مصر لحد مابين النهرين ، فبعت ابراهيم باشا بجيشه على الشام و فى سنة 1832 حقق ابراهيم باشا انتصارات ضخمه على الجيش العثمانلى بأقل خساير و استولى على الشام بما فيها دمشق و حمص و غزه و حيفا و يافا ، و فضل ابراهيم يحقق انتصار ورا انتصار فى الشام و فى بيلان و قونيه و و غلب الترك العثمانليه فى معركة نزيب و استولى على كوتاهيه و قرب من دخول استانبول نفسها عاصمة العثمانيين و ما بقاش فاضل لوقوعها فى ايده غير كام يوم. ده خلا الاوروبيين اللى كانت ليهم مطامع خاصه فى المنطقه يتصابو بالذعر و استنجد السلطان العثمانلى بأعدائه الروس اللى طوالى استجابو و حركو اسطولهم للساحل الاوروبى بتاع تركيا ، و لما شافت فرنسا و انجلترا الخطوه اللى عملتها روسيا اللى كانت بتنافسهم على التركه العثمانليه ضغطو على السلطان العثمانلى للاتفاق مع محمد على و فى نفس الوقت ضغطو عشان يوقفو زحف ابراهيم باشا و نجحو فى كده و انتهى الموضوع بـ " اتفاقية كوناهيه " فى ابريل 1833 و هى الاتفاقيه اللى قضت بتثبيت محمد على على ولاية مصر و كريت و سوريا بكل نواحيها ، و تجديد ولاية ابراهيم باشا على جده و منحه ادارة الحجاز فى مقابل خروج الجيش المصرى من الاناضول.


حاكم توليرانسى مستنير
ابراهيم باشا ما كانش قائد عسكرى فذ بس لكن كان كمان حاكم متنور. بعد ما فتح الشام طلع فرمان سنة 1831 امر فيه برفع الضرايب عن الكنايس و رفعها عن الرهبان المسيحيين فى القدس و نابلس . من ضمن اللى جه فى الفرمان : " نأمر أن تلغى والى الأبد كل الضرائب التى تجبى من أديرة ومعابد كل الشعوب المسيحية المقيمة في القدس من يونانيين وفرنجة وأقباط وأرمن وغيرهم مهما كانت الذريعة أو التسمية التي تؤخذ بها هذه الضرائب حتى وإن سميت هدية عادية وطوعية‏ ، أو سلمت إلى خزينة الباشوات أو لمصلحة القضاة وما شابه ذلك‏ فإنها جميعا ممنوعة منعا باتا‏ ، وبعد إعلان هذا الأمر سيعاقب بصرامة كل من يطلب أقل اتاوة من المعابد والأديرة المذكورة أو من الحجاج‏ "‏. و أصدر فرمان تانى يسمح للمسيحيين بترميم كنايسهم وأديرتهم وتجديدها و بنا اللى عايزين يبنوه من غير طلب تصديقات من احد.


بالسياسه التوليرانسيه دى أكد ابراهيم باشا على حق المواطنه الكامله لكل المصريين و حس الاقباط فى مصر انهم جزء من مصر و إن مصر بلدهم هما كمان و اتحدو مع المصريين المسلمين لبنا مصر الحديثه. و كان من نتايج السياسه دى اللى اتبعها هو و ابوه محمد على إن مجلس شورى النواب المصرى سنة 1866 اتكون من مسلمين و مسيحيين جم بالانتخابات .

وفاته
اتولى ابراهيم باشا الإماره المصريه بعد ما اتنازل عنها ابوه محمد على باشا ، فحكم حداشر شهر و اتوفى فى 10 نوفمبر 1848 قبل وفاة ابوه ، و حكم بعده ابن اخوه و حفيد محمد على باشا عباس حلمى الأول .

رد مع اقتباس
إضافة رد

الكلمات الدلالية (Tags)
أحلى, ابراهيم, ابن, باشا, على

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
محمد باشا محمود صاحب اشهر شوارع مصر نجمة تاريخ وعظماء 2 2011-11-28 08:53 PM
محمد على باشا Sky Captain تاريخ وعظماء 2 2011-09-15 03:29 PM
محمد سعيد باشا الابن الرابع ل محمد على باشا lovermoon تاريخ وعظماء 0 2010-04-13 11:21 AM
أحمد ماهر باشا رئيس وزراء مصرى سابق (1888-1945) lovermoon تاريخ وعظماء 0 2010-04-13 10:05 AM
محمد على باشا mahmoud awad تاريخ وعظماء 6 2009-03-07 04:03 PM


الساعة الآن 06:46 AM


Powered by vBulletin® Copyright ©2000 - 2016, Jelsoft Enterprises Ltd. TranZ By Almuhajir
SEO by FiraSEO v3.1 .جميع المواضيع والتعليقات المنشورة في منتدى عاشق القمر بيتك على النت lover3moon لاتخضع للرقابة قبل النشر ولا تعبر بالضرورة عن رأي إدارته بل تمثل وجهة نظر كاتبها وتلتزم ادارة الموقع بحذف اوتعديل اي موضوعات تتعلق بحقوق الطبع والنشر

مناهج مدارس دراسية 2016 | نماذج امتحانات 2016| العاب اونلاين online | حلقات قناة براعم للجوال | اغاني قناة طيور الجنة بيبى Baby | كرتون قناة براعم Baraem | كرتون قناة نيكولودين nickelodeon |

منتدى عاشق القمر| القسم الاسلامى | فى حب الحبيب | عقيدة وعلوم القرأن | القران الكريم علومه| حديث | قسم الدعوة الى الله | Islamic Forum | أناشيد وصوتيات ومرئيات | مع شهر رمضان | صدى المجاهدين | القسم العام منوعات | قضايا اجتماعية | نقاشات ومحاورات | حلول مشكلات | أخبار العالم | طب وصحة | العلاج وطب الأعشاب | الاستشارات والأسئلة الطبية | ذوى الاحتياجات الخاصة الصم و البكم | مكتبة الكتب المجانية  | كتب إسلامية | كتب طب كتب طبية | كتب فلسفة وعلم نفس واجتماع | كتب الإدارة والتنمية البشرية وتطوير الذات | كتب كمبيوتر كتب برمجة | كتب باللغة الانجليزية ولغات اخري | ابحاث علمية تعليمية جديدة | مطويات جاهزة للطباعه | المنتدى العلمى | هندسة | تطوير الذات والشخصية | مدارس ومنهاج | امتحانات السنوات السابقة | نتائج امتحانات 2016 | تفسير الأحلام | تاريخ وعظماء | عظماء الاسلام | مركز توثيق ثورة 25 يناير 2011| لغات وترجمة| قسم اللغة الانجليزية | قسم الغة الفرنسية | قسم اللغة الالمانية | سياحة وسفر | رياضة وملاعب | العاب مسلية وترفيه | العاب للكمبيوتر pc | العاب اونلاين Online Games | لعبة المزرعة السعيدة | العاب جديدة 2016 | حل مشكلات الالعاب | الغاز وذكاء | سوق السيارات | زراعة ونباتات زينة | تربية حيوانات | تربية الطيور | مكياج وصفات للبشرة | ملابس وازياء حديثة وعصرية للسيدات والبنات | فساتين | عالم الرجل | ملابس رجالي للشباب | تربية الأطفال | ملابس اطفال | ديكور وأثاث | اعمال يدوية وحرف | وصفات واكلات صحية وشهيه | اكلات رمضان| صور غرائب وعجائب | أفلام كرتون وانمى | صور انمى | تحميل افلام ميديافير | تقرير كارتون | فيديو وحوادث | شعر ونثر | قصص وروايات | قصص للأطفال حكايات للاطفال| ابداعاتنا | برامج عامة مجانية | شرح برامج | حماية الحاسب | شبكات ونسخ ويندوز | دورات كمبيوتر | دروس صيانة كمبيوتر وهارد وير | تصميم وتعليم فوتوشوب| مواقع وانترنت | مشكلة طلب تشغيل | ثيمات للمحمول | نغمات مصرية وعربية| صيانة المحمول | خلفيات للمحمول | رسائل sms مجانية| فوركس Forex وبورصة | البنوك والعملة | مشروعات وصناعات| دورس للاعضاء الجدد