الملك امنحتب الرابع Akhnaton ( اخناتون )

اخناتون


تمثال أخناتون - المتحف المصرى ، القاهرة


أخناتون (اتوفى ح 1354 قبل الميلاد)،- بالانجليزى: Akhnaton أو Akhenaten أو Echnaton، و ساعات Ikhnaton-، ابتدا حكمه باسم امنحوتب الرابع، بعدين غيّره من امنحتب الرابع لاخناتون و اللى معناها باللغة المصرية ”المخلص للاله اتون“، و هو فرعون مصرى من الاسره تمنتاشر.

حكم مصر من سنة 1369 لسنة 1354 ق.م.، ابن امنحوتب التالت و جوز نفرتيتى ، و المرجح انه أبو توت عنخ امون حسب أخر الابحاث اللى ظهرت نتايجها فى فبراير 2010.

أول اللى نادوا بوحدانية الاله، فغيّر العباده من الاله امون لـ”اتون“ اللى رمزله بقرص الشمس اللى بتطلع منه اشعة بتوصل للارض و اللى مقصود بيها انها بتبعت الخير للناس وتنشر النور، وفيه كمان مؤرخين بيقولوا انه كان يقصد بـ اتون صاحب الشمس. ومش بس كده دا خلّى عبادة اتون موحدة على مصر كلها بعد ما كان لكل اقليم اله بتاعه عشان مصر كانت مش موحدة. كان لكل اقليم اله وفضلت الاقاليم محتفظة بالهتها بعد التوحيد، لكن كان لما يرتفع شان اقليم معين بيرتفع شان الاله بتاعه فبيسود على بقيت الالهه.

غضب عليه كهنة امون و عادوه، عشان كده هجر طيبه و راح لعاصمة جديده اسسها فى اقليم الاشمونين باسم ”اختاتون“ (تل العمارنه دلوقتى) و معاه مؤيديه و مساعديه، و اعلنها حرب ضد امون و كهنته.

نادى بالصدق و دعا للحق فى كل حاجه. بعد ما اتوفى انتهت دعوته و سيطر كهنة امون مره تانيه على ديانة مصر.

مواضيع ذات صلة:

• مقطعين (الملك عبدالله يضرب أحد حراسه بسبب تصرفه الغير لائق)+(رجل يشبه الملك عبدالله لحد لا يصدق)
• موضوع تعبير عن اخناتون
• الملك الحسن الثاني من هو الملك الحسن الثانينبذه عنه
• الملك عبد العزيز نبذة عن حياة الملك عبد العزيز
• امنحوتب الرابع الداعى الى الاله الواحد لا شريك له (اخناتون)

المصدر: منتديات عاشق القمر بيتك على النت - تفضل هنا لمشاهدة المزيد من مواضيع: تاريخ وعظماء